چیئرمین سینیٹ سید یوسف رضا گیلانی دی روسی فیڈریشن دی فیڈریشن کونسل دی چیئرپرسن ویلنٹینا ماٹویینکونال ملاقات

ماسکو ۔13 مئی (اے پی پی) چیئرمین ??ینیٹ سید یوسف رضا گیلانی روسی فیڈریشن دی فیڈریشن کونسل دی چیئرپرسن ویلنٹینا ماٹویینکونال ملاقات کیتی اتے ݙوپاسے سانجھے تعلقات کوں ودھاوݨ، پارلیمانی سفارتکاری کوں وسعت ݙیوݨ، امن، تجارت اتے علاقائی استحکام، معیشت اتے سرمایہ کاری دے ودھارے دے عزم دا اعادہ کیتے۔ چیئرمین ??ینیٹ سید یوسف رضا گیلانی اپݨ?? شاندار مہمان نوازی تے روسی قیادت دا شکریہ ادا کیتے تے آکھیے جو ݙوہیں ملکاں دے تعلقات مزید ودھاوݨ دا اعادہ کیتے۔ چیئرمین ??ینیٹ آکھیے اڄ پاکستان اتے روس دے تعلقات اتے سانجھے تعاون صحیح پاسے ٹردے پئن جیڑھا نہ صرف سانجھی خوشحالی بلکہ ہک محفوظ اتے مستحکم خطے کیتے وی ٻہوں ضروری اے۔ انہاں زور ݙتے جو ایجھے اعلیٰ سطحی تبادلے پارلیمانی سفارت کاری کوں تقویت ݙیوݨ وچ معاون ثابت تھیندن اتے سانجھے سمجھوتے اتے تعاون دی بنیاد کوں تکڑا کریندن ۔ چیئرمین ??ینیٹ روسی فیڈریشن دی چیئرپرسن اتے روسی قیادت کوں یوم فتح دی 80 ویں سالگرہ تے پرتپاک مبارخ وی پیش کیتی ۔ ملاقات اچ ݙوہیں رہنماواں پارلیمانی تبادلیں، علاقائی سلامتی، توانائی دے شعبے وچ تعاون، اتے عوامی رابطے اچ وداھرے سودھے مختلف امور تے تفصیلی ڳال?? مہاڑ کیتی ۔ ویلنٹینا ماٹویینکو سید یوسف رضا گیلانی دا پرتپاک خیر مقدم کیتا اتے انہاں کوں ہک مدبر سیاستدان اتے روس دے پراݨے یار دے طور تے تعریف کیتی ۔ انہاں آکھیے سید یوسف رضا گیلانی دے دور وزارتِ عظمیٰ وچ ݙوطرفہ تعلقات تکڑے تھئے اتے ہݨ انہاں دی چیئرمین ??پ وچ اے اُتے ویندے پئن ۔ انہاں ݙوہیں پارلیمانی اداریں وچال سانجھے مفاہمتی یادداشت دے تحت تعاون کوں مزید ودھاوݨ وچ دلچسپی دا اظہار کیتے۔ ملاقات وچ ݙوہیں ملکاں وچال پارلیمانی سفارت کاری دی اسٹریٹجک اہمیت، خصوصاً ایجھے ویلھے وچ جݙاں جیوپولیٹیکل کشیدگی ودھدی پئی اے، تے زور ݙتا ڳئے۔ چیئرمین ??ینیٹ سید یوسف رضا گیلانی آکھیے تکڑے بین ??لپارلیمانی رابطے ایجھے خطیں وچ استحکام گھن آسڳدن جیڑھے کشیدگی دا شکار ہن جنہاں وچ افغانستان اتے جنوبی ایشیا و?? شامل ہن۔ انہاں آکھیے پاکستان جنوبی ایشیا وچ امن، استحکام اتے قانون دی حکمرانی کیتے پرعزم اے اتے سارے جھیڑے ، بشمول مسئلہ کشمیر، دے حل کیتے ہمیشہ مذاکرات اتے سفارتی طریقیں دا حامی رہیے۔ انہاں ایں ڳالھ تے وی زور ݙتے جو پاکستان پرامن بقائے باہمی اتے علاقائی تعاون دے اصولاں تے مکمل یقین ??کھدے اتے پاکستان اشتعال انگیزیاں اتے سکیورٹی خدشات دے باوجود ہمیشہ تحمل دا مظاہرہ کیتے اتے محاذ آرائی دی بجائے کشیدگی وچ کمی اتے تعمیری ڳال?? مہاڑ کوں مسئلیں دے حل کیتے ترجیح ݙتی اے۔ علاقائی منظر نامے تے ڳالھ کریندے چیئرمین ??ینیٹ آکھیے لکھاں بے گناہواں کوں جنگ وچ سٹݨ دی بجائے مکالمے دے ذریعے معاملات کوں اڳوں ودھاوݨا چاہیدے۔ پاکستان بے بنیاد الزامات کوں یکسر مسترد کیتے اتے بھارت دے غیر قانونی زیر تسلط جموں و کشمیر وچ اڄوکے بھارتی بے بنیاد الزامات تے آزادانہ تحقیقات دا مطالبہ کیتے اتے یکطرفہ اقدامات جیویں سندھ طاس معاہدے دی معطلی دی مذمت کیتی اے۔ انہاں روس تے زور ݙتے جو او پاکستان اتے بھارت وچال امن دے ودھارے وچ فعال کردار ادا کرے۔ انہاں واضح کیتے جو پاکستان شواہد ݙیوݨ تے واقعے دی آزادانہ تحقیقات دی باقاعدہ تجویز ݙتی تاں جو جنگ کوں ہوا ݙیوݨ دی بجائے انصاف تھیوے۔ انہاں مزید آکھیے سندھ طاس معاہدے دی یکطرفہ معطلی اعتماد اتے بین ??لاقوامی معاہدے دی خلاف ورزی اے، جیڑھی خطے دے پاݨی دے تحفظ کوں خطرے وچ سٹیندی اے اتے اصل مسئلہ یعنی کشمیر توں توجہ ہٹاوݨ دی کوشش اے۔ انہاں ایں موقف تے زور ݙتے جو کہیں وی ملک دی سرزمین کوں ݙوجھے ملک دے خلاف دہشت گردی کیتے استعمال نی تھیوݨا چاہیدا۔ انہاں آکھیے ہک ذمہ دار عالمی طاقت اتے پاکستان دے پراݨے یار دی حیثیت نال او پاکستان اتے بھارت دے وچال مذاکرات کیتے متحرک کردار ادا کرے۔ ویلنٹینا ماٹویینکو آکھیے روس پاکستان اتے بھارت وچال مذاکرات وچ معاونت سانڳے تیار اے ۔ انہاں آکھیے اے حوصلہ افزا ڳالھ اے جو صورتحال ہݨ بہترتھیندی پئی اے اتے جنگ بندی تھی ڳئی اے۔ انہاں آکھیے بین ??لاقوامی دہشت گرد صرف علاقائی استحکام کیتے نی بلکہ عالمی امن کیتے وی خطرہ ہن۔ روس دی طرفوں اڄوکی پیشرفت تے ڳالھ کریندے انہاں ایں ڳالھ تے زور ݙتے سفارتی زبان ہی غالب آوݨی چاہیدی اے، اتے روس یوکرین ??ھیڑے دا ذکر کریندے آکھیے جو صرف مکالمے نال ہی جھیڑے دا حل ممکن اے۔ تجارت اتے اقتصادی تعاون دے ودھارے کیتے چیئرمین ??ینیٹ پاکستان وچ موجود تجارت اتے سرمایہ کاری دے وسیع موقعیں دی تفصیل ݙسائی۔ انہاں آکھیے پاکستان روس بین ??لحکومتی کمیشن دے تحت جاری منصوبیاں، بشمول توانائی، میٹالرجی، ہائیڈرو اتے تھرمل پاور، اتے ایل این ??ی وچ سانجھے منصوبیاں تے پیش رفت تکھی کرݨ دی لوڑھ اے۔ انہاں بارٹر سسٹم جیویں جدید تجارتی طریقیں تے تھیوݨ آلی اڄوکی ڳال?? مہاڑ دی تعریف کیتی تے کاروبار تے رابطے کوں اہم قرار ݙتے ۔ ثقافتی اتے تعلیمی تبادلیں کوں وسعت ݙیوݨ دے ودھارے کیتے چیئرمین ??ینیٹ تفصیلی روشنی پاتی اتے آکھیے یونیورسٹی شراکت داری، ٹیکنالوجی دے شعبے وچ تعاون، طلبہ دے تبادلے اتے ویزا پالیسی وچ سوکھ پیدا کرݨ نال بہتری آ سڳدی اے۔ سید یوسف رضا گیلانی پاک روس براہ راست پروازاں دی بحالی تے وی خوشی دا اظہار کیتے، جئیں نال سیاحت اتے تجارت اتے سرمایہ کاری دے ودھارے دے نویں امکانات کُھلسن۔ سید یوسف رضا گیلانی دہشت گردی دے خلاف پاکستان دیاں قربانیاں تفصیل نال ݙسائن ۔ انہاں آکھیے پاکستان دہشت گردی دی جنگ وچ باری قیمت چکائی اے۔ میݙا اپݨا پُتر تراے سال تئیں یرغمال رہیے۔ پاکستان دی پہلی تریمت وزیراعظم بینظیر بھٹو کوں خودکش حملے وچ شہید کیتا ڳئے۔ ملالہ یوسف زئی جنہاں کوں میݙے دور وزارت عظمیٰ وچ عالمی سطح تے سُنڄاݨ ملی ساݙی مزاحمت اتے طاقت دی علامت اے۔ اساں فرنٹ لائن ریاست ہیسے اتے عالمی یکجہتی دے منتظر ہیسے۔ انہاں آکھیے پاکستان اتے روس سپیکرز کانفرنس دے رکن ہن اتے انٹر پارلیمنٹری سپیکرز کانفرنس دے بانی چیئرمین ??ی حیثیت نال او آئی ایس سی اتے فیڈریشن کونسل وچال مستقبل وچ تعاون چاہندن ، تاں جو مکالمے اتے رابطے کوں مزید ودھارا ݙتا ونج سڳے۔ چیئرمین ??ینیٹ علاقائی امن دی تشکیل وچ پارلیمانی سفارت کاری دی اہمیت کوں اجاگر کیتے اتے فرینڈشپ گروپ دی سرگرمیاں کوں تکھا کرݨ تے زور ݙتے ۔ ملاقات وچ فیڈریشن کونسل دے نائب چیئرمین کانسٹنٹین کوساچیف، سینیٹ آف پاکستان اتے فیڈریشن کونسل دے وچال تعاون دے گروپ دے سربراہ ولادیمیر چیزہوف، روس وچ پاکستان دے سفیر خالد محمد جمالی، اتے چیئرمین ??ینیٹ دے مالیاتی مشیراعزاز خان وی موجود ہن۔