پاڪستاني جهنڊو اسان جي اتحاد جي علامت آهي، اسان سڀ هڪ آهيون، نفرت، ورڇ ۽ فساد پکيڙڻ جي هر ڪوشش کي ناڪام بڻائينداسين: مريم اورنگزيب

اسلام آباد – 13 – آگسٽ (اي پي پي) اطلاعات ۽ نشريات واري وفاقي وزير مريم اورنگزيب پاڪستان جي 75 هين سالگرهه تي ملڪ ۾ محبت ۽ برداشت جي ڪلچر کي فروغ ڏيڻ جي عزم جو اظهار ڪندي چيو آهي ته پاڪستاني جهنڊو اسان جي اتحاد جي علامت آهي، اسان سڀ هڪ آهيون، نفرت، ورڇ ۽ فساد پکيڙڻ جي هر ڪوشش کي ناڪام بڻائينداسين، اڄ پوري قوم پاڪستان جي ڊائمنڊ جوبلي ملهائي رهي آهي، ڊي چوڪ سدائين احتجاج جي لاءِ استعمال ٿيو پر اڄ هتي نوجوان، ٻار ۽ پوليس اهلڪار آزادي ڏهاڙو ملهائي رهيا آهن، جڏهن به هن ملڪ ۾ جمهوري دور آيو ترقي جا ثمر عوام کي ملندا رهيا، ذوالفقار علي ڀٽو هن ملڪ کي آئين ڏنو، نواز شريف ملڪ کي ائٽمي طاقت بڻايو، سمورين اڪائين کي ڪنيڪٽيويٽي سان پاڻ ۾ ڳنڍيو، ملڪ کي پهرين موٽروي ڏني، ملڪ جي لاءِ جانين جا ن?بادشاہ/116856.html">?را??ا پيش ڪندڙ هٿياربند فوج، پوليس ۽ سيڪيورٽي ادارن جي اهلڪارن کي خراج عقيدت پيش ڪريون ٿا. اطلاعات واري وزارت، سي ڊي اي ۽ فيڊرل ڊائريڪٽوريٽ آف ايجوڪيشن جي اهتمام هيٺ مختلف اسڪولن جي ٻارن پاران قومي جهنڊي جي پينٽنگ ۽ ڊائمنڊ جوبلي فيسٽيول جي تقريب کي خطاب ڪندي اطلاعات واري وفاقي وزير چيو ته پاڪستان جا نوجوان اڄ ملڪ سان يڪجهتي جو اظهار ڪري رهيا آهن، مارچ پاسٽ جي لاءِ پوليس جا دستا موڪلڻ تي گهرو وزير راڻا ثناءُ الله، گهرو وزارت، آءِ جي پوليس ۽ چئني صوبن جا ٿورا مڃون ٿا. هن چيو ته ملڪي تاريخ ۾ هي پهريون موقعو آهي جڏهن چئني صوبن جي پوليس جا دستا شاهراهه دستور تي پاڪستان جي ڊائمنڊ جوبلي ملهائڻ جي لاءِ گڏ ٿيا. هن چيو ته اڄ اسڪولن جي ٻارن قومي جهنڊو تيار ڪرڻ جي لاءِ يڪجهتي جو مظاهرو ڪيو، اڄ اسان جا نوجوان ۽ ٻار پاڪستان جي لاءِ قربان ٿيڻ جي لاءِ تيار آهن، اهو ئي جذبو 1947ع ۾ هو. هن چيو ته ملڪ جي 65 سيڪڙو آبادي نوجوانن تي ٻڌل آهي، نوجوان هن ملڪ جي لاءِ ڪنهن به قرباني کان نه ڪيٻائيندا. اطلاعات واري وفاقي وزير پاڪستان جي هٿياربند فوج، پوليس ۽ سيڪيورٽي ادارن کي خراج تحس??ن پيش ڪندي چيو ته هٿياربند فوج، پوليس ۽ سيڪيورٽي ادارا ڏينهن رات اسان جي حفاظت تي مقرر آهن. هن چيو ته هٿياربند فوج، پوليس، رينجرز ۽ ايف سي جي جوانن ملڪ جي لاءِ پنهنجي جانين جا ن?بادشاہ/116856.html">?را??ا پيش ڪيا، اڄ پوري قوم انهن کي خراج عقيدت پيش ڪري ٿي. اطلاعات واري وفاقي وزير چيو ته جڏهن به ملڪ ۾ جمهوري دور آيو ان جا ثمر پاڪستان جي عوام کي مليا. هن چيو ته قائداعظم چيو هو ته جمهوريت ۾ هن مٽيءَ جو مستقبل آهي. اطلاعات واري وفاقي وزير چيو ته شهيد ذوالفقار علي ڀٽو هن ملڪ کي آئين ڏنو، نواز شريف وفاق جي سمورين اڪائين کي ڪنيڪٽيويٽي جي ذريعي پاڻ ۾ ڳنڍيو، ملڪ کي پهرين موٽروي ڏني، ذوالفقار علي ڀٽو شهيد جو شروع ڪيل ائٽمي پروگرام پڄاڻي تي پهچايو. هن چيو ته نواز شريف هر دٻاءُ جي باوجود ملڪ جي دفاع کي فتح نه ٿيڻ جوڳو بڻايو، ائٽمي پروگرام کي ڪامياب بڻائڻ جي لاءِ ڊاڪٽر عبدالقدير خان مرحوم سميت سمورن سائنسدانن ۽ انجنيئرز کي خراج تحس??ن پيش ڪريون ٿا. مريم اورنگزيب چيو ته شهباز شريف پنجاب صوبي کي ملڪ جي سمورين صوبائي اڪائين سان ڳنڍيو. هن چيو ته 2013ع کان 2018ع تائين مسلم ليگ (ن) جي دور ۾ نواز شريف ملڪ مان لوڊشيڊنگ ۽ دهشتگردي جو خاتمو ڪيو، ملڪي ترقي جي شرح کي 6 سيڪڙو تائ??ن پهچايو، احتساب جي عمل جي پنهنجي ذات کان شروعات ڪئي، اڄ 9 سال گذري وڃڻ کانپوءِ به جمهوري قيادت سرخرو ٿي آهي. هن چيو ته هي اهي ئي ثمرات آهن جيڪي ڪڏهن ائٽمي قوت، ڪڏهن آئين، ڪڏهن فور جي جي سهولت ۽ ڪڏهن يوٿ پروگرام ۽ بينظير انڪم سپورٽ پروگرام جي صورت ۾ عوام کي جمهوري دورن ۾ مليا. اطلاعات واري وفاقي وزير ٻڌايو ته وزيراعظم شهباز شريف سڀاڻي 14 آگسٽ تي ري رڪارڊيڊ قومي تراني جو افتتاح ڪندو. لياقت علي خان کانپوءِ وزيراعظم شهباز شريف پهريون وزيراعظم هوندو جنهن کي اهو اعزاز حاصل هوندو. هن قومي تراني جي ري رڪارڊنگ ۾ حصو وٺندڙ سمورن ماڻهن کي خراج تحس??ن پيش ڪندي چيو ته قومي تراني جي ري رڪارڊنگ ۾ اسٽيئرنگ ڪميٽي جي سربراهه جاويد جبار ۽ آءِ ايس پي آر اهم ڪردار ادا ڪيو آهي. هن چيو ته قومي تراني جي ري رڪارڊنگ ۾ وفاق جي سمورين اڪائين حصو ورتو جنهن تي اسان انهن کي مبارڪباد پيش ڪريون ٿا. اطلاعات واري وفاقي وزير ملڪي ترقي ۾ اقليتن جي ڪردار جو ذڪر ڪندي چيو ته اقليتن پاڪستان جي آزادي ۽ ملڪي ترقي ۾ اهم ڪردار ادا ڪيو، انهن جي ان ڪردار کي وساري نه ٿو سگهجي. هن جمهوري عمل ۾ ساٿ ڏيندڙ سمورن ماڻهن کي خراج تحس??ن پيش ڪيو. اطلاعات واري وفاقي وزير مريم اورنگزيب اطلاعات واري وزارت، سي ڊي اي، فيڊرل ڊائريڪٽوريٽ آف ايجوڪيشن ۽ گهرو وزارت کي قومي جهنڊي جي پينٽنگ جي تقريب ۽ ڊائمنڊ جوبلي فيسٽيول جون تقريبون منعقد ڪرڻ تي مبارڪباد ڏني. هن چيو ته ڊائمنڊ جوبلي جي حوالي سان پي ٽي وي سمورا پروگرام ڏيکاري رهيو آهي. هن ڊائمنڊ جوبلي جي حوالي سان منعقد ٿيندڙ تقريبن ۽ سرگرمين کي پيش ڪرڻ تي سموري ميڊيا کي پڻ مبارڪباد ڏني. هن چيو ته آگسٽ جو مهينو پاڪستان جي لاءِ آهي، عوام پنهنجي گهرن تي سبز هلالي جهنڊا ڦڙڪائي ۽ پوري دنيا کي ڏيکاري ته پاڪستاني قوم ملڪ جي لاءِ ڪنهن به قسم جي قرباني ڏيڻ لاءِ تيار آهي. هن چيو ته پاڪستاني جهنڊو اسان جي اتحاد جي علامت آهي، اسان سڀ هڪ آهيون، نفرت، ورڇ ۽ فساد پکيڙڻ جي هر ڪوشش کي اسان ناڪام بڻائينداسين. هن نوجوانن کي چيو ته اهي هڪ آواز ٿي اهو پيغام ??ين ته اسان پاڪستاني آهيون، اسان کي پاڪستاني هجڻ تي فخر آهي، اسان ملڪ ۾ امن چاهيون ٿا. هن چيو ته 14 آگسٽ تي محبت ۽ برداشت جا ٻج هڻن جيڪي اڳتي ايندڙ سالن ۾ ان ڳالهه جي گواهي ??ين ته اسان متحد آهيون. اطلاعات واري وفاقي وزير ان موقعي تي اسڪولن جي ٻارن سان گڏجي پاڪستان زندهه آباد جا نعرا هنيا. هن چيو ته اطلاعات واري وزارت ڏينهن رات محنت ڪري انهن تقريبن جو اهتمام ڪيو. هن پي ٽي وي، ريڊيو پاڪستان سميت اطلاعات واري وزارت جي سمورن ادارن، سي ڊي اي، فيڊرل ڊائريڪٽوريٽ آف ايجوڪيشن ۽ گهرو وزارت کي مبارڪباد ڏني. اطلاعات واري وفاقي وزير چيو ته اڄ رات 12 وڳي هتي آتشبازي جو مظاهرو ٿيندو جيڪو پي ٽي وي تي لائيو ٽيليڪاسٽ ٿيندو. هن ٻڌايو ته ليزر شو ۽ نيشنل فائر ورڪ جو انتظام ڪيو ويو آهي. هن وڌيڪ ٻڌايو ته قومي اسيمبلي جي اسپيڪر جي قيادت ۾ سمورا پارليامينٽرينز پنهنجي هيروز کي خراج تحسين ڪرڻ جي لاءِ اڄ جوائنٽ ڊڪليئريشن پارليامينٽ هائوس ۾ پيش ڪئي ويندي. هن چيو ته ڊائمنڊ جوبلي جون تقريبون اليڪٽرانڪ ميڊيا سميت پي ٽي وي، ريڊيو پاڪستان ۽ ايف ايم ريديو تي پڻ ٻڌي سگهجن ٿيون. ان کان اڳ اطلاعات واري وفاقي وزير مريم اورنگزيب اطلاعات واري وزارت، سي ڊي اي ۽ فيڊرل ڊائريڪٽوريٽ آف ايجوڪيشن جي اهتمام هيٺ پاڪستاني جهنڊي کي پينٽنگ ڪرڻ ۽ ڊائمنڊ جوبلي فيسٽيول جي تقريبن ۾ خاص مهمان جي حيثيت سان شرڪت ڪئي. قومي جهنڊي کي پينٽنگ ڪرڻ جي تقريبن ۾ وفاقي گادي واري شهر اسلام آباد جي مختلف اسڪولن جا ٻار شريڪ ٿيا جن پنهنجي هٿ سان پاڪستاني جهنڊي جي پينٽنگ ڪئي. تقريب ۾ اسڪولن جي ٻارن جو جوش ڏسڻ جهڙو هو، ٻارن انتهائي دلچسپي سان پاڪستاني جهنڊي کي پينٽ ڪيو. تقريب جي شروع ۾ اطلاعات واري وفاقي وزير اسڪول جي ٻارن سان گڏ پاڪستان جو قومي ترانو ڳايو. ان موقعي تي ڊائمنڊ جوبلي فيسٽيول ۾ پوليس ۽ فرنٽيئرز ڪور جي دستن مارچ پاسٽ ڪيو. پريڊ ۾ اسلام آباد پوليس، پنجاب پوليس، سنڌ پوليس، بلوچستان پوليس، خيبرپختونخواهه پوليس، آزاد ڪشمير پوليس ۽ فرنٽيئر ڪور جا دستا موجود هئا. پوليس فورس ۽ فرنٽيئر ڪور جي دستن معزز مهمانن کي سلامي پيش ڪئي. اسپيشل سيڪيورٽي يونٽ سنڌ پوليس، ڪائونٽر ٽيررازم ڊپارٽمينٽ، اسلام آباد پوليس جي دستن پڻ پريڊ ۾ حصو ورتو ۽ الله هو جا نعرا بلند ڪندي سلامي جي چبوتري جي آڏو گذريا. پريڊ کانپوءِ اسلام آباد پوليس جي مختلف ڊويزنز جي ٽريفڪ ٽرانسپورٽ فليٽ فليگ مارچ ڪندي سلامي جي چبوتري آڏو گذريا. تقريب ۾ مسلم ليگ (ن) جي اڳواڻ طاهره افضل تارڙ، اطلاعات واري سيڪريٽري شاهيره شاهد، پرنسپل انفارميشن آفيسر مبشر حسن، اسلام آباد پوليس جي اعليٰ عملدارن، گلوڪارن سميت عوام جو وڏو انگ موجود هو.