اسلام آباد۔ 3 ??ون (اے پی پی) وفاقی وزیر قومی غذائی تحفظ و تحقیق رانا تنویر حسین نال چیئرمین پاکستان ٹوبیکو ??ورڈ ملاقات کیتی جیندے اچ تماخوں دے شعبے دی موجودہ صورتحال، برآمدات، کساناں کوں پیش آوݨ آلے چیلنجز اَتے بورڈ دی کارکردگی تے تفصیلی ڳالھ مہاڑ کیتی ڳئی۔ تھیوݨ آلی ملاقات دے دوران وفاقی وزیر پاکستان توں تماخوں دی برآمدات دا 100 ملین ڈالر توں تجاوز کرݨ ملکی معیشت کیتے ہک خوش آئند پیش رفت قرار ݙتا۔ انہاں آکھیے جو پاکستان ٹوبیکو ??ورڈ کساناں، صنعت اَتے برآمدی منڈیاں وچال ہک فعال اَتے مؤثر رابطے دا کردار ادا کریندا پئے، کساناں کیتے منصفانہ قیمت دے تعین اچ بورڈ دا کردار قابل ستائش اے۔ وفاقی وزیر زور ݙتا جو ٹوبیکو ??ورڈ تحقیق و ترقی دے بجٹ اچ ودھارا کرے تاں جو اعلیٰ معیار دیاں تماخوں قسماں تیار کیتیاں ونڄ سڳن جو عالمی منڈی اچ بہتر قیمت تے وِک سڳن۔ انہاں آکھیے جو ویلیو ایڈڈ پراڈکٹس تے خصوصی توجہ ݙت?? و??ڄے تاں جو پاکستان اچ تمباخوں دی پراسیسنگ، پیکجنگ اَتے برآمدات دے عمل کوں جدید تقاضیں نال ہم آہنگ کیتا ونڄ سڳے۔ چیئرمین بورڈ دی طرفوں فصل دی مانیٹرنگ، ٹریس ایبلٹی اَتے مارکیٹ ریگولیشن دے اقدامات تے بریفنگ ݙتی ڳئی جیندے تے وفاقی وزیر اطمینان دا اظہار کیتا۔ وفاقی وزیر تجویز ݙتی جو ٹریس ایبلٹی سسٹم کوں ٻئے ضلعیں تئیں ودھایا ونڄے تاں جو پیداوار دی شفافیت کوں یقینی بݨایا ونڄ سڳے۔ وفاقی وزیر ٹوبیکو ??ورڈ دی ڈیجیٹل رجسٹریشن، ڈیٹا کلیکشن اَتے کسان سپورٹ سکیماں کوں قابل تقلید ماڈل قرار ݙتا۔ انہاں آکھیے جو نِکے کساناں کیتے سبسڈی، ان پٹ سپورٹ اَتے قرضیں دی فراہمی کیتے کسان کارڈ جیہے منصوبیں کوں ودھارا ݙتا ونڄے۔ ملاقات اچ بورڈ دی نویں مارکیٹ ایکسپلوریشن پالیسی کوں برآمدات اچ ودھارے دے پاسے ہک مثبت قد?? قرار ݙتا ڳئے۔ وفاقی وزیر ہدایت کیتی جو پبلک پرائیویٹ پارٹنرشپ ماڈل دے تحت نویں سرمایہ کاری کوں راغب کیتا ونڄے اَتے پائیدار زرعی طریقیں کوں ودھارا ݙتا ونڄے تاں جو ماحولیاتی تحفظ دے نال نال تماخوں دی کاشت وی ترقی کرے۔ چھیکڑ اچ وفاقی وزیر رانا تنویر حسین پاکستان ٹوبیکو ??ورڈ دی مجموعی کارکردگی دی تعریف کیتی تے آکھیے وزارت اَتے بورڈ وچال پالیسی ہم آہنگی کوں مزید تکڑا بݨایا ویسی ۔ انہاں ایں عزم دا اظہار کیتا جو تماخوں انڈسٹری کوں مستحکم رکھݨ کیتے پالیسیاں دا تسلسل جاری رکھیا ویسی اَتے بورڈ کوں ہر ممکن معاونت ݙتی ویسی۔
وزیر قومی غذائی تحفظ و تحقیق رانا تنویر حسین نال چیئرمین پاکستان ٹوبیکو بورڈ دی ملاقات
اسلام آباد۔ 3 جون (اے پی پی) وفاقی وزیر قومی غذائی تحفظ و تحقیق رانا تنویر حسین نال چیئرمین پاکستان ٹوبیکو بورڈ ملاقات کیتی...
مضمون کا ماخذ : لاٹری ٹکٹ کے نتائج
