اسلام آباد – 26 – سيپٽمبر (اي پي پي) نگران حڪومت واضح ڪيو آهي ته اسلامي جمهور??ه پاڪستان جي آئين ۽ موجوده چونڊ قانونن تحت سمورين سياسي پارٽين کي عام چونڊن ۾ حصووٺڻ جو برابر حق حاصل آهي، نگران وزيراعظم جي ايسوسيئيٽيڊ پريس کي ڏنل انٽرويو ۾ ريمارڪس کي غلط رپورٽ ڪيو ويو. اطلاعات واري وزارت ايسوسئيٽيڊ پريس کي ڏنل انٽرويو جي اصل متن جو حوالو ڏنو جنهن مان ظاهر ٿئي ٿو ته نگران وزيراعظم واضح طور تي اهو تجويز ڪري رهيو هو ته چونڊن ۾ حصو وٺڻ هڪ حق آهي پر ڏوهن تي سزا قانوني طور تي جائز آهي. اطلاعات واري وزارت ان ڳالهه تي افسوس جو اظهار ڪيو ته ا??ٽرويو جي هڪ حصي کي ٽوڙي مروڙي اهو تاثر ڏنو ويو ته ڪنهن مخصوص شخص کي عام چونڊن ۾ حصو وٺڻ جي اجازت نه ڏني ويندي. اطلاعات واري وزارت نگران وزيراعظم جي انٽرويو جي متن طرف ڌيان ڇڪرايو جنهن ۾ نگران وزيراعظم انوارالحق ڪاڪڙ چيو ته ”اسان ڪنهن کان ذاتي انتقام نه وٺي رهيا آهيون پر ان ڳالهه کي يقيني بڻائينداسين ته قانون سڀني کان اهم آهي، ڀلي عمران خان هجي يا ڪو ٻيو سياستدان، ڪو به ملڪي قانونن جي خلاف ورزي ڪندو ته ا?? تي قانون لاڳو ٿيندو، اسان ان کي سياسي فرق جي برابر قرار نه ٿا ڏئي سگهون. هن چيو ته شفاف چونڊون عمران خان يا ان جي پارٽي جي انهن ميمبرن کانسواءِ به ٿي سگهن ٿيون جيڪي جيلن ۾ آهن ڇو ته ا??ي عمران خان جي مئي ۾ گرفتاري کانپوءِ ڀڃ ڊاهه ۽ لاءُ گهيراءُ سميت ٻين غيرقانوني سرگرمين ۾ ملوث هئا. انوارالحق ڪاڪڙ وڌيڪ چيو ته عمران خان جي پارٽي جا هزارين ماڻهو جيڪي غيرقانوني سرگرمين ۾ ملوث نه آهن اهي سياسي عمل ۽ چونڊن ۾ حصو وٺندا.“ اطلاعات واري وزارت پنهنجي ضابطي بيان ۾ ان ڳالهه جو ورجاءُ ڪيو ته پي ٽي آءِ ۽ ان جا اڳواڻ ڪنهن به ٻي پارٽي وانگر چونڊن ۾ حصو وٺڻ جي لاءِ آزاد آهن. اهو واضح ڪيو ويو آهي ته مجموعي طور تي پي ٽي آءِ يا پارٽي جي ڪنهن به اڳواڻ جي اليڪشن وڙهڻ ۾ ڪا رڪاوٽ نه آهي. بيان ۾ وڌيڪ چيو ويو ته هر شهري قانون آڏو برابر آهي ۽ قانوني الزام کي منهن ڏيندڙ ڪنهن به شخص جي حوالي سان قانون پنهنجو اختيار ڪندو. عدليه آزاد ۽ خودمختيار آهي ۽ نگران حڪومت وٽ نه ته عدالتن تي اثرانداز ٿيڻ جو ڪو اختيار آهي نه ئي وري اهڙو ڪو ارادو آهي. وڌيڪ واضح ڪيو وڃي ٿو ته ڪو شخص قانوني يا عدالتي فورم جي ڪنهن حڪم يا فيصلي کان متاثر ٿيو آهي ته ا?? کي ريليف جي لاءِ اڳئين عدالتي فورم سان رجوع ڪرڻ جو آئيني طور تي ضمانت مليل حق حاصل آهي. نگران حڪومت آزاداڻيون ۽ منصفاڻيون چونڊون منعقد ڪرڻ جي لاءِ پرعزم آهي. نگران حڪومت چونڊون منعقد ڪرڻ جي لاءِ آئيني ۽ قانوني ڍانچي جي حمايت ڪندي ۽ ان ڳالهه کي يقيني بڻائيندي ته ا??يڪشن ڪميشن آف پاڪستان ۽ آزاد عدل??ه جي سمورن حڪمن ۽ هدايتن تي مڪمل عمل ڪيو وڃي.
پاڪستان جي آئين ۽ موجوده چونڊ قانونن تحت سمورين سياسي پارٽين کي عام چونڊن ۾ حصووٺڻ جو برابر حق حاصل آهي: نگران حڪومت
اسلام آباد – 26 – سيپٽمبر (اي پي پي) نگران حڪومت واضح ڪيو آهي ته اسلامي جمهوريه پاڪستان جي آئين ۽ موجوده چونڊ قانونن...
مضمون کا ماخذ : جنگل وائلڈ
